នាពេលថ្មីៗនេះ ក្រុមហ៊ុន ខេមបូឌាន ដេរីវ៉េទីវ អ៊ិចឆេង បានបើកកិច្ចប្រជុំពិសេសមួយជាមួយនឹងក្រុមហ៊ុន IG Markets Group ដែលជាក្រុមហ៊ុនផ្ដល់សេវាជួញដូររូបិយប័ណ្ណអន្តរជាតិដ៏ធំបំផុតមួយនៅទ្វីបអឺរ៉ុប និងមានបទពិសោធន៍ជាង៤០ឆ្នាំមកហើយនៅក្នុងវិស័យហិរញ្ញវត្ថុ។ គោលបំណងនៃកិច្ចប្រជុំនេះ គឺដើម្បីពិភាក្សាទៅលើកិច្ចសហប្រតិបត្តិការសក្តានុពលមួយ សម្រាប់ការពង្រីកអាជីវកម្ម និងការអភិវឌ្ឍទីផ្សារនៅក្នុងតំបន់អាស៊ីប៉ាស៊ីហ្វិក។
តំណាងនៃក្រុមហ៊ុន ខេមបូឌាន ដេរីវ៉េទីវ អ៊ិចឆេង ដែលបានចូលរួមក្នុងកិច្ចប្រជុំនៅទីក្រុងឌូបៃនៃសហព័ន្ធអារ៉ាប់រួម គឺ លោក Lawrence Kook (អភិបាល) ខណៈដែលក្រុមហ៊ុន IG Markets Group មានលោក Adam Dance ដែលជាមន្ត្រីប្រតិបត្តិជាន់ខ្ពស់ជាតំណាង។
កិច្ចប្រជុំនេះ បានកើតឡើងស្របពេលដែលក្រុមហ៊ុន ខេមបូឌាន ដេរីវ៉េទីវ អ៊ិចឆេង កំពុងផ្ដោតទៅលើការពង្រីកទំហំអាជីវកម្មទៅកាន់តំបន់ផ្សេងៗនៃពិភពលោក និងបានកត់សម្គាល់ថាក្រុមហ៊ុន IG Markets Group អាចជាដៃគូសហការរយៈពេលវែងដ៏មានសក្តានុពលមួយ ក្នុងការសម្រេចបាននូវផែនការ និងគោលដៅនានា។
ជាមួយនឹងឯកទេស និងបទពិសោធន៍ដ៏សម្បូរបែបនៃក្រុមហ៊ុនទាំងពីរ កិច្ចសហប្រតិបត្តិការដែលអាចនឹងកើតមានឡើងមួយនេះ ត្រូវបានរំពឹងថា វានឹងនាំយកមកនូវពន្លឺដ៏ត្រចះត្រចង់សម្រាប់ការអភិវឌ្ឍនៅក្នុងតំបន់អាស៊ីប៉ាស៊ីហ្វិក។
en
zh
