ក្រុមហ៊ុន ខេមបូឌាន ដេរីវ៉េទីវ អ៊ិចឆេង មានមោទកភាពក្នុងការចូលរួមជាមួយបុគ្គល និងស្ថាប័នក្នុងវិស័យហិរញ្ញវត្ថុសកលលោកទាំងអស់ ដើម្បីអបអរសាទរដល់អតីតប្រធានធនាគារកណ្តាលសហរដ្ឋអាមេរិក គឺលោកបណ្ឌិត Ben S. Bernanke ដែលបានឈ្នះពានរង្វាន់ណូបែលផ្នែកសេដ្ឋកិច្ចឆ្នាំ ២០២២។
លោកបណ្ឌិត Ben S. Bernanke គឺជាសេដ្ឋវិទូជនជាតិអាមេរិកជួរមុខ និងជាប្រធានធនាគារកណ្តាលសហរដ្ឋអាមេរិកទី១៤ ដែលបានដឹកនាំធនាគារកណ្តាលសហរដ្ឋអាមេរិកក្នុងការដោះស្រាយវិបត្តិហិរញ្ញវត្ថុនៅចុងទសវត្សរ៍ឆ្នាំ ២០០០ ដែលធ្វើឱ្យគាត់ទទួលបាន «The 2009 Time Person of the Year» ។ លទ្ធផលនៃពានរង្វាន់ណូបែលផ្នែកសេដ្ឋកិច្ចនេះ គឺផ្ដោតទៅលើការរកឃើញឫសគល់នៃវិបត្ដិហិរញ្ញវត្ថុធំៗ និងដំណោះស្រាយសំខាន់ៗ ដែលជាអាវុធដ៏អស្ចារ្យមួយផ្សេងទៀត សម្រាប់ទប់ទល់នឹងបញ្ហាសេដ្ឋកិច្ចពិភពលោក។
សម្រាប់ក្រុមហ៊ុន ខេមបូឌាន ដេរីវ៉េទីវ អ៊ិចឆេង ដោយសារអាជីវកម្មរបស់យើងដំណើរការជាមួយឧបករណ៍ហិរញ្ញវត្ថុសកល និងតួអង្គទីផ្សារជាច្រើនទៀត យើងក៏បានកំណត់បេសកកម្មរបស់យើងក្នុងការលើកកម្ពស់សុខភាពសេដ្ឋកិច្ចក្នុងតំបន់ដែលក្រុមហ៊ុនរបស់យើងកំពុងមានប្រតិបត្តិការ ក៏ដូចជាការចូលរួមចំណែកដល់វឌ្ឍនភាពសេដ្ឋកិច្ចអន្តរជាតិ តាមរយៈវិជ្ជាជីវៈ និងជំនាញរបស់យើង។ ដូច្នេះហើយ យើងពិតជារីករាយដែលបានឃើញថា សេដ្ឋកិច្ចរបស់ពិភពលោកនៅតែបន្តរឹងមាំ។
ជាងនេះទៅទៀត ក្នុងឱកាសអបអរសាទរដល់អ្នកឈ្នះពានរង្វាន់ណូបែលផ្នែកសេដ្ឋកិច្ច ជាពិសេសលោកបណ្ឌិត Ben S. Bernanke ព្រមទាំងសមិទ្ធផលទាំងអស់នៅក្នុងវិស័យសេដ្ឋកិច្ចពិភពលោក វាក៏បានរំលឹកយើងអំពីពេលវេលាដ៏អស្ចារ្យមួយ នៅពេលដែលលោក Lawrence Kook ដែលជាអភិបាល និងជានាយកប្រតិបត្តិរបស់ក្រុមហ៊ុនយើង បានឡើងលើវេទិការួមគ្នាជាមួយលោកបណ្ឌិត Ben S. Bernanke ដើម្បីផ្លាស់ប្តូរគំនិត ពិភាក្សាអំពីបញ្ហាហិរញ្ញវត្ថុ និងចែករំលែកការយល់ដឹងស៊ីជម្រៅអំពីការអភិវឌ្ឍហិរញ្ញវត្ថុជាដើម។
ជាថ្មីម្តងទៀត ក្រុមហ៊ុន ខេមបូឌាន ដេរីវ៉េទីវ អ៊ិចឆេង សូមអបអរសាទរដល់លោកបណ្ឌិត Ben S. Bernanke ហើយសូមថ្លែងអំណរគុណចំពោះបុគ្គលគ្រប់រូប ដែលបានលះបង់ពេលវេលា និងការខិតខំប្រឹងប្រែងដើម្បីស្ថិរភាព និងនិរន្តរភាពហិរញ្ញវត្ថុពិភពលោករបស់យើង។
សូមចុចលើតំណភ្ជាប់ខាងក្រោមនេះ ដើម្បីទស្សនាវីដេអូនៃមតិចំណាប់អារម្មណ៍របស់លោកបណ្ឌិត Ben S. Bernanke ក្នុងឱកាសឈ្នះពានរង្វាន់ណូបែលរបស់លោក
en
zh
