ក្រុមហ៊ុន ខេមបូឌាន ដេរីវ៉េទីវ អ៊ិចឆេង បង្កើតដំណើរកម្សាន្តលើកទី១ប្រចាំឆ្នាំ២០១៩

នៅថ្ងៃទី២៨ ខែមេសា ឆ្នាំ២០១៩ ក្រុមហ៊ុន ខេមបូឌាន ដេរីវ៉េទីវ អ៊ិចឆេង បានបង្កើតដំណើរកម្សាន្តដ៏រីករាយទៅកាន់រមណីយដ្ឋានមួយនៅតំបន់ជាយក្រុងនៃរាជធានីភ្នំពេញ ដើម្បីលើកទឹកចិត្តដល់បុគ្គលិករបស់ខ្លួន ដែលបានរួមចំណែកយ៉ាងសកម្មក្នុងការអភិវឌ្ឍរបស់ក្រុមហ៊ុន ក៏ដូចជាពង្រឹងទំនាក់ទំនងឱ្យស្អិតរមួតរវាងបុគ្គលិក និងថ្នាក់ដឹកនាំ។ ភាពសប្បាយរីករាយ និងសម្លេងសំណើចជាច្រើន បានកើតឡើងក្នុងដំណើរកម្សាន្តនេះ ពោលគឺតាំងពីពេលចេញដំណើររហូតដល់ពេលត្រឡប់មកវិញ។

ដូចដែលបានគ្រោងទុក ដំណើរកម្សាន្តនេះ បាននាំមកនូវអារម្មណ៍ស្រស់ស្រាយ និងជួយបង្កើនថាមពលដល់គ្រប់បុគ្គលិកទាំងអស់ តាមរយៈខ្យល់អាកាសដ៏បរិសុទ្ធ ទស្សនីយភាពដ៏ស្រស់ស្អាត ម្ហូបអាហារដ៏ឈ្ងុយឆ្ងាញ់ ព្រមទាំងល្បែងកម្សាន្តបែបអប់រំផ្សេងៗ ដែលមិនត្រឹមតែបង្កើតភាពសប្បាយៗប៉ុណ្ណោះទេ ថែមទាំងលើកស្ទួយគុណតម្លៃនៃការសហការគ្នាជាក្រុម ភាពច្នៃប្រឌិត ការដោះស្រាយបញ្ហា និងកម្លាំងនៃការតស៊ូ។

អ្នកចូលរួមទាំងអស់ សុទ្ធតែទទួលបាននូវការចងចាំមួយ ដែលមិនអាចបំភ្លេចបាន ហើយសាមគ្គីភាព និងការយោគយល់រវាងគ្នានិងគ្នា កាន់តែកើនឡើងគួរឱ្យកត់សម្គាល់។

កម្រងរូបថត

បន្ថែមទៀត