ក្រុមហ៊ុន​ ខេម​បូ​ឌាន​ ដេ​រី​វ៉េ​ទីវ​ អ៊ិច​ឆេង​ ​ចុះហត្ថលេខា​លើ​អនុស្សរណៈ​យោគ​យល់គ្នា​ជាមួយ​ក្រុមហ៊ុន​ ​New​ ​World​ ​Financial​ ​Group​ ​របស់​ប្រទេស​មី​យ៉ា​ន់​ម៉ា​

​ក្រុមហ៊ុន​ ខេម​បូ​ឌាន​ ដេ​រី​វ៉េ​ទីវ​ អ៊ិច​ឆេង​ ​បាន​ចុះហត្ថលេខា​លើ​អនុស្សរណៈ​យោគ​យល់គ្នា​ស្តីពី​ភាពជា​ដៃគូ​យុទ្ធ​សា​ស្រ្ត ​ជាមួយ​ក្រុមហ៊ុន​ ​New​ ​World​ ​Financial​ ​Group​ ​ដែល​មាន​មូលដ្ឋាន​នៅ​ប្រទេស​មី​យ៉ា​ន់​ម៉ា​ ​ស្រប​ពេល​ដែល​ស្ថាប័ន​ទាំងពីរ​ ផ្ដោ​ត​លើ​ការ​បង្កើត​ទី​ផ្សារ​ឧបករណ៍​និស្សន្ទ​ជា​ប្រវត្តិ​សា​ស្រ្ត​នៅ​ក្នុង​ប្រទេស​មួយ​នេះ​។​ ​ពិធី​ចុះហត្ថលេខា​លើ​អនុស្សរណៈ​យោគ​យល់គ្នា​នេះ​ ​ត្រូវ​បាន​ធ្វើឡើង​នៅ​ថ្ងៃ​ទី​១​៦​ ​ខែ​មករា​ ​ឆ្នាំ​២​០​១​៩​។​

​លោក​ ​Lawrence​ Kook ​អភិបាល​នៃ​ក្រុមហ៊ុន​ ខេម​បូ​ឌាន​ ដេ​រី​វ៉េ​ទីវ​ អ៊ិច​ឆេង​ ​និង​លោក​ ​Min​ ​Htike​ ​Aung​ ​នាយក​គ្រប់គ្រង​នៃ​ក្រុមហ៊ុន​ ​New​ ​World​ ​Financial​ ​Group​ ​បាន​ចុះហត្ថលេខា​លើ​អនុស្សរណៈ​យោគ​យល់គ្នា​ ​ដែល​តំណាង​ឱ្យ​ការ​ផ្តួចផ្តើម​ ​និង​ការ​ប្តេជ្ញា​ចិត្ត​ ​ភ្ជាប់​ជាមួយនឹង​ការ​ស្វាគមន៍​និង​ការ​គាំទ្រ​យ៉ាង​កក់ក្ដៅ​ ​ក្នុង​ការ​បង្កើត​ទី​ផ្សារ​ឧបករណ៍​និស្សន្ទ​នៅ​មី​យ៉ាន់​ម៉ា​ ​ដោយធ្វើ​សហប្រតិបត្តិការ​ជាមួយ​និយ័ត​ករ​ ​រួម​មាន​ក្រសួងហិរញ្ញវត្ថុ​ ​និង​គណៈកម្មការ​មូលបត្រ​នៃ​ប្រទេស​មី​យ៉ា​ន់​ម៉ា​។​ ​វិសាលភាព​នៃ​អនុស្សរណៈ​នេះ​ ​រួមបញ្ចូល​ទាំង​ក្របខ័ណ្ឌ​យុទ្ធ​​សាស្ត្រ​ ​ការ​អភិវឌ្ឍ​ធនធាន​ ​ការ​ទំនាក់ទំនង​និង​បច្ចេកវិទ្យា​ ​ការគ្រប់គ្រង​ហា​និ​ភ័យ​ ​និង​បទ​ប្បញ្ញាត្តិ។​

​ក្រុមហ៊ុន​ ខេម​បូ​ឌាន​ ដេ​រី​វ៉េ​ទីវ​ អ៊ិច​ឆេង​ ​គឺជា​កម្លាំង​ច​លក​រ​ដ៏​សំខាន់​សម្រាប់​ប្រទេស​កម្ពុជា​ ​ជាពិសេស​គណៈកម្មការ​មូលបត្រ​កម្ពុជា​ ​ក្នុង​អំឡុង​ពេល​ពួកគេ​ធ្វើ​ការរៀបចំ​ច្បាប់​ ​និង​បទ​ប្បញ្ញត្តិ​សម្រាប់​ទី​ផ្សារ​ឧបករណ៍​និស្សន្ទ​នៅ​កម្ពុជា។​ ​ក្រុមហ៊ុន​ ​ក៏​នៅតែ​ជា​តួអង្គ​ដ៏​សំខាន់​សម្រាប់​ទីផ្សារ​មួយ​នេះ​ ​ដោយ​បាន​ណែនាំ​ឱ្យវិនិ​យោគិន​បរទេស​ស្គាល់​កាន់តែ​ច្បាស់​អំពី​ប្រទេស​កម្ពុជា​ ​និង​ទីផ្សារ​ឧបករណ៍​និស្សន្ទ​នៅ​កម្ពុជា​ ​ខណៈ​ដែល​ក្រុមហ៊ុន​បាន​នាំមក​នូវ​ធនធាន​ប្រកបដោយ​ទេពកោសល្យ​ ​និង​វិជ្ជាជីវៈ​ ​បច្ចេកវិជ្ជា​ទំនើប​ៗ​ ​និង​បទដ្ឋាន​អន្តរជាតិ​។​

​Mr. ​Lawrence​ ​បាន​និយាយ​ថា​៖​ “​យើង​មាន​មោទនភាព​ណាស់​លើ​ការ​ឈាន​ដល់​ការ​ចុះ​អនុស្សរណៈ​យោគ​យល់គ្នា​ជាមួយ​ក្រុមហ៊ុន​ ​New​ ​World​ ​Financial​ ​Group​ ​ដែល​ជា​អង្គភាព​មួយ​ដែល​មាន​សក្តានុពល​ខ្ពស់។​ ​ក្រុមហ៊ុន​ ខេម​បូ​ឌាន​ ដេ​រី​វ៉េ​ទីវ​ អ៊ិច​ឆេង​ ​បាន​ទទួលជោគជ័យ​ក្នុង​ការ​បង្កើត​ប្រវត្តិ​សា​ស្រ្ត​នៅ​ក្នុង​ប្រទេស​កម្ពុជា​រួចមក​ហើយ​ ​ដូច្នេះ​ ​យើង​មានបំណង​បន្ថែម​ភាព​ជោគជ័យ​ទៀត​ ​និង​ជួយ​ប្រទេស​មី​យ៉ា​ន់​ម៉ា​ក្នុង​ការ​កសាង​ទី​ផ្សារ​ឧបករណ៍​និស្សន្ទ​ដំបូងបង្អស់​របស់​ខ្លួន។​”

​អភិបាល​នៃ​ក្រុមហ៊ុន​ ខេ​ម​បូ​ឌា​ន​ ដេ​រី​វ៉េ​ទីវ​ អ៊ិ​ច​ឆេង​រូប​នេះ​ ​បាន​រំពឹង​នូវ​ការ​រីក​ចម្រើន​បន្ថែម​ទៀត​នៅ​ក្នុង​ប្រទេស​មី​យ៉ា​ន់​ម៉ា​ ​បន្ទាប់ពី​ការ​ចាប់កំណើត​នៃ​ទី​ផ្សារ​ឧបករណ៍​និស្សន្ទ​របស់​ខ្លួន​ ​ដែល​ពាក់ព័ន្ធ​នឹង​សកម្មភាព​ពាណិជ្ជកម្ម​លើ​ការ​ជួញ​ដូ​រមាស​ ​រូបិយប័ណ្ណ​បរទេស​ ​និង​ទំនិញ​។​
​New​ ​World​ ​Financial​ ​Group​ ​មាន​សុទិដ្ឋិនិយម​ចំពោះ​ទិដ្ឋភាព​នេះ​ ​និង​ជឿជាក់​ថា​ ​ទី​ផ្សារ​ឧបករណ៍​និស្សន្ទ​របស់​ប្រទេស​មី​យ៉ា​ន់​ម៉ា​ ​នឹង​ឈាន​ដល់​ភាព​លេចធ្លោ​ក្នុងរយៈពេល​គួរ​ឱ្យ​កត់​សម្គាល់​មួយ​។​

​លោក​ ​Min​ ​Htike​ ​Aung​ ​បាន​និយាយ​ថា​៖​ “​យើង​បាន​ត្រៀម​ខ្លួន​រួចរាល់​ហើយ​ក្នុង​ការចូលរួម​រៀបចំ​ច្បាប់​និង​បទ​ប្បញ្ញត្តិ​ដើម្បី​បង្កើត​ទី​ផ្សារ​ឧបករណ៍​និស្សន្ទ​នៅ​មី​យ៉ា​ន់​ម៉ា​។​ ​យើង​អាច​ឃើញ​ទី​ផ្សារ​ឧបករណ៍​និស្សន្ទ​នៅ​គ្រប់​ទីកន្លែង​នៅ​ក្នុង​តំបន់​អា​ស៊ាន​ ​លើកលែងតែ​ប្រទេស​របស់យើង​។​ ​ខ្ញុំ​មាន​កម្លាំងចិត្ត​ណាស់​ ​ដែល​ឃើញ​ភាព​ជោគជ័យ​នៃ​ទី​ផ្សារ​ឧបករណ៍​និស្សន្ទ​នៅ​ក្នុង​ប្រទេស​កម្ពុជា​ ​ដែល​ជា​ប្រទេស​មាន​ចំនួន​ប្រជាជន​ ​និង​ផលិតផល​ក្នុងស្រុក​សរុប​ទាប​ជាង​យើង​។​ដូច្នេះ​ ​ទី​ផ្សារ​នៅ​ទីនេះ​ ​នឹង​កើតឡើង​នៅ​ក្នុង​អនាគត​ដ៏​ខ្លី​។​”