ក្រុមហ៊ុន ខេមបូឌាន ដេរីវ៉េទីវ អ៊ិចឆេង បានចូលរួមក្នុងសិក្ខាសាលាមួយ ដែលត្រូវបានរៀបចំឡើងដោយសមាគមអ្នកវាយតម្លៃ និងភ្នាក់ងារអចលនវត្ថុកម្ពុជា ដែលទើបតែចុះហត្ថលេខាលើភាពជាដៃគូជាមួយក្រុមហ៊ុន ដើម្បីឆ្លើយតបទៅនឹងបំណងដ៏រឹងមាំក្នុងការជម្រុញការអភិវឌ្ឍលើការវិនិយោគនៅទូទាំងប្រទេសកម្ពុជា។ ជាមួយនឹងវត្តមានរបស់អ្នកជំនាញ និងវិនិយោគិនជាច្រើនរូប ដែលភាគច្រើនមកពីវិស័យអចលនទ្រព្យ និងវិស័យហិរញ្ញវត្ថុ សិក្ខាសាលានេះ បានប្រព្រឹត្តិទៅដោយជោគជ័យនៅថ្ងៃទី 25 ខែកញ្ញា ឆ្នាំ 2018 នៅមជ្ឈមណ្ឌលសហប្រតិបត្តិការកម្ពុជា-កូរ៉េ។
លោក Lawrence Kook អភិបាលនៃ ក្រុមហ៊ុន ខេមបូឌាន ដេរីវ៉េទីវ អ៊ិចឆេង ត្រូវបានអញ្ជើញជាវាគ្មិននៅក្នុងសិក្ខាសាលានេះ ដើម្បីចែករំលែកបទពិសោធន៍ និងទស្សនៈវិស័យយ៉ាងទូលំទូលាយរបស់លោកលើការវិនិយោគទាំងក្នុងស្រុកនិងអន្តរជាតិ។ ជាមួយគ្នានេះដែរ លោក Lawrence បានបញ្ជាក់ពីការរីកលូតលាស់នៃការវិនិយោគនៅកម្ពុជាតាមរយៈការកត់សម្គាល់របស់លោក ហើយលោកបានបន្តដោយសង្កត់ធ្ងន់លើនិន្នាការ និងយុទ្ធសាស្រ្តវិនិយោគ ដែលត្រូវបានប្រើប្រាស់ដោយវិនិយោគិននៅជុំវិញពិភពលោក។ ដោយពិចារណាល្អិតល្អន់លើការគ្រប់គ្រងហានិភ័យ និងផលត្រឡប់លើការវិនិយោគ លោកបានជម្រុញឱ្យវិនិយោគិនទាំងអស់ធ្វើពិពិធកម្មលើផលិតផលវិនិយោគរបស់ពួកគេ ដើម្បីកាត់បន្ថយហានិភ័យ ការពារដើមទុនវិនិយោគ និងចៀសវាងការពឹងផ្អែកលើប្រភពចំណូលតែមួយ។ អ្វីទាំងអស់នេះ នឹងអនុញ្ញាតឱ្យវិនិយោគិនមានជម្រើសកាន់តែច្រើន និងវិនិយោគប្រកបដោយទំនុកចិត្ត។
លោក Lawrence បានថ្លែងអំណរគុណដល់សមាគមអ្នកវាយតម្លៃ និងភ្នាក់ងារអចលនវត្ថុកម្ពុជា ចំពោះការអញ្ជើញរូបលោកជាវាគ្មិន ក៏ដូចជាការចុះហត្ថលេខាលើអនុស្សរណៈយោគយល់គ្នា ដែលផ្ដល់ឱ្យភាគីទាំងពីរនូវមធ្យោបាយក្នុងការរួមគ្នាលើកស្ទួយជាសាធារណៈនៃការអប់រំផ្នែកវិនិយោគនៅពាសពេញផ្ទៃប្រទេស។ ការរំពឹងទុកជាច្រើនលើកិច្ចសហប្រតិបត្តិការរវាង ក្រុមហ៊ុន ខេមបូឌាន ដេរីវ៉េទីវ អ៊ិចឆេង និងសមាគមអ្នកវាយតម្លៃ និងភ្នាក់ងារអចលនវត្ថុកម្ពុជា ក្នុងការបង្កើតវេទិកា សិក្ខាសាលា និងវគ្គបណ្ដុះបណ្ដាលឲ្យបានញឹកញាប់បន្ថែមទៀត បានកើតមានឡើង។
ការចូលរួមរបស់ក្រុមហ៊ុន ខេមបូឌាន ដេរីវ៉េទីវ អ៊ិចឆេង នៅក្នុងសិក្ខាសាលានេះ បានបំពេញទាំងស្រុងនូវការប្តេជ្ញាចិត្តរបស់ខ្លួនចំពោះអនុស្សរណៈយោគយល់គ្នា និងបានពង្រឹងទំនាក់ទំនងរវាងស្ថាប័នទាំងពីរ ហើយនេះគឺជាសញ្ញានៃការចាប់ផ្ដើមនៃអនាគតភ្លឺស្វាងរបស់វិស័យវិនិយោគទូទៅនៅកម្ពុជា។
en
zh
